பயணம்
தாயிடம் தொடக்கம் தீயிடம் அடக்கம்.
இடையிலே சிறுபயணம் என்பதுதே வாழ்க்கை.
வாழ்ந்த வரையும்
கணக்கென்ன இருப்பு.
வரவு வைப்பான் இறைவன் பொறுப்பு.
வரவின் நோக்கம் வைய்யம் தொடர
பிறப்பின் ஆக்கம் உறவுகள் படர
வளர்வின் காலம் வடிவம் கொடுக்கும்.
நிலவும் சமநிலை செலவில் இருக்கும்
படைப்பின் அவசியம் பகவன் இரகசியம்.
விடைப்பயன் விளக்கம் விளங்கா அதிசயம்.
படைப்பதன் துலக்கம் புலப்படும் விதமே
கிடைப்பது சமூகம் நலப்படும் இதமே.
விஞ்ஞானம் மெஞ்ஞானம் படைப்புகள் உலகில்,
அஞ்ஞானம் அகற்றிய ஆர்வலர் கொடைகள்,
எஞ்ஞான்றும் பயக்கும் இயன்முறை நயன்கள்,
துஞ்சாது நிலைத்துப் படைப்பாளர் வாழ்வர்.
கவிஞர். கொ. பெ. பிச்சையா.
No comments:
Post a Comment